عايزكم تعملوا معايا اقرار....

انس متولي

14/8/2006

      

أقر أنا بصفتى مواطنا مصريا
أن الرئيس المصرى محمد حسنى مبارك
و الحكومات المصرية التى يأمر سيادته بتكوينها
لا تعبر سياساتهما عن آرائى و رغباتى و توجهاتى
سواءا السياسيه أو الاجتماعيه أو الاقتصاديه
داخلية كانت أو خارجيه
 

امضاءات
1- أنس متولى محمد متولى
2- احمد زكي احمد
3-
4-
#..........., و هكذا

عايز أعمل الاقرار ده و كل واحد فى مصر يمضى عليه
أنا عارف انه مالهوش أى فايده و لا الحكومه هاتتكسف على دمها و لا الريس ها يتأثر بيه
لكن أهو يبقى فى اقرار رسمى من غالبية الشعب يثبت عكس ما يقال عن عن غالبية مؤيدوا الحاكم الآن
أنا عارف ان فى انتخابات كمان 5 سنين لكن عقبال لما تكمل الخمس سنين نكون لمينا كام مليون توقيع

أنا قلت أمرر لكم الايميل ده الأول قبل ما أبعته لأصحابى
لو عايزين تغيروا فيه جمل او عبارات ماشى لكن تكون فى نفس الاطار دون مغالاة أو مبالغه
لكن اللى ما يتغيرش هو مكان اسمى
اللى عايز يمضى يمضى تحتى

ما اعرفش ازاى ممكن الاقرار ده يتنشر غير بالايميل
لو عنكم منتدى
أو انتو أصحابكم أكتر و أكثر فاعليه من أصحابى

القضيه انى زهقت و هأطق من جنابى و بدل ما اموت بحسرتى قلت أفضفض شويه و اهو لو اخدونى السجن ابقى حسيت انى بأتعذب زى المواطنين اللى مش لاقيين ياكلوا و زى اللبنانيين و زى الفلسطينين وزى العراقيين
علشان لما يسألونى يوم القيامه انتا ماساندناش ليه ضد الاحتلال أقول لهم كنت بأحاول أتخلص من الاحتلال اللى عندى الأول